outubro, mes das bibliotecas

Estas son as actividades que realizaremos na biblioteca para celebrar o Día das Bibliotecas 2021:

8 de outubro

Sesión cos autores Dani Viéitez e Iria Iglesias

-Álex quere ser coma papá: contacontos contra os estereotipos e a desigualdade. Ás veces a Álex dinlle que non son axeitadas as cousas que fai. A través de Alex debatemos c@s cativ@s, exemplificando distintas situacións que loitan contra os estereotipos.

15 de outubro

Obradoiro con Hermanager Procucións

Deixa o móbil e debuxa: obradoiro de iniciación sobre ilustración e banda deseñada. Faremos debuxos, algunhas viñetas e/ou tiras cómicas en común e para remataremos facendo cadaquén a súa.

22 de outubro

Obradoiro coa escritora Andrea Barreira

Terroríficas, historias de terror: obradoiro de achega á literatura de terror a diversos públicos a través da lectura e da escritura. O obradoiro consta de dúas partes que combinan teoría e práctica: un repaso de distintas escritoras, do pasado ao presente, que traballaron o xénero do terror e a escritura dun relato de terror poñendo en práctica o visto no punto anterior.

Todas estas actividades enmárcanse no programa de animación Ler conta moito.

álex quere ser coma papá, na biblioteca

O venres 3 de setembro temos outra actividade do programa Ler conta moito deste ano.

Será ás 12 da mañá. O aforo é limitado, polo que será preciso reservar as entradas previamente na Biblioteca (días 1 e 2 de setembro presencialmente ou por teléfono no 982452324, en horario de 8:30 a 14:30).

Dani e Iria visitan novamente a biblioteca. Nesta ocasión cóntannos que ás veces a Álex lle din que non son axeitadas as cousas que fai. Veremos distintas situacións que loitan contra os estereotipos a través da experiencia de Álex.

as superheroínas do noso pobo, na biblioteca

O venres 2 de xullo comeza o ciclo de actividades do Programa Ler conta moito deste ano, cofinanciado entre o Concello do Saviñao e a Consellería de Cultura.

A actividade As superheroínas do noso pobo, desenvolverase na biblioteca o 2 de xullo ás 11 da mañá coa autora e ilustradora Estefanía Padullés, que conta con varios libros infantís publicados en distintas editoriais, moitos dos cales se poden atopar na biblioteca.

Aplicaranse as medidas Covid establecidas para actividades culturais, polo que o aforo é limitado, e será preciso reservar as entradas previamente na Biblioteca ou no teléfono 982452324.


O obradoiro de ilustración versará sobre mulleres esquecidas en diferentes campos, aprendendo a debuxalas nunha ilustración que as represente. Para rematar a actividade, cada participante fará un cartel dunha muller do seu entorno, para darlle visibilidade e convertela nunha “superheroína” que amose os seus “superpoderes”.

falan de nós na revista mi biblioteca

A revista Mi Biblioteca da Fundación Alonso Quijano (galardoada co Premio Nacional al Fomento de la Lectura en 2015) fíxose eco no seu último número das actividades que conformaron o Ciclo Biblioteca en Igualdade, que se desenvolveu na biblioteca desde o día 6 de setembro ó 18 de outubro. Neste ciclo contamos con Dani Viéitez e Iria Iglesias, Carmen Domech, Tarabelos, Eduvía, Menos dá unha pedra, Fátima Fernández, Antía Yáñez e Sole Felloza.

artigo na Revista Mi Biblioteca.png

Aparecemos na sección de actualidade bibliotecaria. Podedes consultar a revista na biblioteca.

A Fundación Alonso Quijano é unha institución privada e independente, sen ánimo de lucro, que pretende contribuir ó desenvolvemento integral do humano por medio da promoción de iniciativas culturais e educativas, especialmente daquelas orientadas ó fomento da lectura. Aínda que tén sede en Málaga, o seu ámbito de actuación exténdese a todo o territorio nacional, con algunhas actividades de carácter internacional.

Contactaron connosco desde a revista, non lle enviamos nada desde a biblioteca ata que nos pediron información. Por iso agradecemos a vosa participación nas actividades, e a difusión que fixestes delas, pois foi grazas a vós que contactaron connosco para coñecer máis a fondo en que consistía este ciclo.

día da biblioteca 2019

O día 24 de outubro celébrase o Día da Biblioteca desde 1997.

DiaBiblioteca2019_pq

Despois do éxito acadado nas edicións de 2014, 2015, 2016, 2017 e 2018, volveremos celebrar o Día da Biblioteca – Noite na Biblioteca o próximo día

18 de outubro

Día da Biblioteca – Noite na Biblioteca  das 10 da mañá á medianoite.

DDB-NNB_2019.png

Entre diversos obradoiros, merenda, música, etc. teremos o xogo de pistas Rescate na Biblioteca con Antía Yáñez e Bolboretas da narradora Sole Felloza. Nuns días daremos a coñecer a programación completa: ide reservando o día para non perder nada!

24 de outubro

Lectura do texto conmemorativo do Día da Biblioteca 2018

12:00    Lectura do texto O día da luz de Gonzalo Moure (Premio Cervantes Chico 2017) da Asociación Española de Amigos del Libro Infantil y Juvenil.

Poderedes atopar máis información sobre todas estas actividades na biblioteca e en vindeiros artigos do blog.

26 de outubro

Cea Día das Bibliotecas do Colectivo Lemos Le

A cea de celebración do Día das Bibliotecas terá lugar o sábado 26 na Reitoral de Castillón. Durante a cea farase entrega dos premios do VI Certame Mulleres de Lemos, que se adicou á abadesa de Eiré Inés Fernández)

cea día da biblioteca 2019_pq

19:00    Previamente á cea, farase unha visita guiada a San Miguel de Eiré.

21:30    Cea do Colectivo Lemos Le na Reitoral de Castillón (Pantón)
Entrega de premios do VI Certame Mulleres de Lemos
ó remate da cea. Durante a cea contaremos coa actuación musical de Eugenia Sanmartín.

As entradas para a cea recolleranse en calquera das bibliotecas municipais e escolares, IES Daviña Rey que forman parte do Colectivo Lemos Le ata o día 18.

 

resume do ciclo biblioteca en igualdade

Resume do Ciclo Biblioteca en Igualdade

Podedes atopar información detallada das actividades que conformaron o Ciclo Biblioteca en Igualdade nos seguintes enlaces do blog Ler conta moito, programa do que formaban parte todas as actividades desenvoltas (iremos actualizando segundo se vaian producindo:

  • 6 de setembro con Dani Viéitez e Iria Iglesias  a actividade = (Igual)

IMG_20190906_125046_censored_pq

= (igual)…na BPM do Saviñao

augasclaras3

a carteira de augasclaras…na BPM do Saviñao

todos por igual 6

Rosalía, tod@s por igual…na BPM do Saviñao

contamos en igualdade 2

Contamos en igualdade…na BPM do Saviñao

IMG_20191004_192254

A escena verbas!…na BPM do Saviñao

fatima_1

Contos de sempre para xente de agora…na BPM do Saviñao

sinatura antia yañezconta sole felloza

Día da Biblioteca 2019

 

contamos en igualdade

A sesión Contamos en igualdade con Eduvía, na Biblioteca Pública Municipal do Saviñao o vindeiro venres 27 de setembro ás 18 h., continúa o ciclo A biblioteca en igualdade.

contamos en igualdadecartaz.png

Esta sesión de contacontos pretende rachar cos estereotipos dos roles tradicionais asignados aos personaxes dos contos en función do seu xénero, idade, etnia ou mesmo condición social, cultural ou funcional.

Esta actividade (para público a partir de 5 anos) enmárcase no programa Ler conta moito de igualdade, financiado pola Consellería de Cultura e o Pacto de Estado contra a Violencia de Xénero.

rosalía, todos por igual

Rosalía, todos por igual con Tarabelos títeres e contacontos, na Biblioteca Pública Municipal do Saviñao o vindeiro venres 20 de setembro ás 18 h., continúa o ciclo A biblioteca en igualdade.

todos por igual_pq

Rosalía de Castro foi rompedora de barreiras nun tempo no que o xénero, o idioma, o lugar de nacemento, a clase social… daban lugar a escenas de desigualdade que Rosalía denuncia co seu arte. Imos facer arte. A través dun conto de Rosalía e a pintura, faremos a nosa obra de arte pola igualdade. Porque a igualdade é tratar a todos por igual.

Esta actividade (para público a partir de 5 anos) enmárcase no programa Ler conta moito de igualdade, financiado pola Consellería de Cultura e o Pacto de Estado contra a Violencia de Xénero.

a carteira de augasclaras

A carteira de Augasclaras con Carmen Domech, na Biblioteca Pública Municipal do Saviñao o vindeiro venres 13 de setembro ás 12 h., continúa o ciclo A biblioteca en igualdade.

cartaz carteira augas claras_pq

Martina reparte cartas na biblioteca:
Unha de Clementina, a tartaruga que viaxa ceibe polo mundo.
Outra, da elefantiña Rosa Caramelo, que logrou que na súa manada todos vivan xuntos e iguais.
A nena que rega a albáfega escríbenos dende moi lonxe, onde ninguén pode obrigala a facer o que non queira.
Estela dinos como aprendeu a berrar moi forte se algún maior nos fai xogar a xogos que non nos gustan NADA.

Esta actividade (para público a partir de 4 anos) enmárcase no programa Ler conta moito de igualdade, financiado pola Consellería de Cultura e Turismo dentro do Pacto de Estado contra a Violencia de xénero.

=igual

=Igual con Dani Viéitez e Iria Iglesias, na Biblioteca Pública Municipal do Saviñao o vindeiro venres 6 de setembro ás 12 h., iniciando o ciclo A biblioteca en igualdade.

Dani Viéitez e Iria Iglesias, autores da serie do Raposo Rufo e de Amanita e Pilonga falarannos do seu traballo como ilustradores, das tarefas na casa, que reparten equitativamente.

cartel = (redes)_pq.png

Neste contacontos relacionado coa igualdade, explicarán conceptos coma a empatía, o respecto, o sexismo e o feminismo. Rematando cun obradoiro.

Esta actividade enmárcase no programa Ler conta moito, financiado pola Consellería de Cultura e o Concello do Saviñao.

Ven o venres 6 de setembro ás 12 h. a esta actividade para participantes a partir de 3 anos e público familiar.