cóntame un cine, na biblioteca

O venres 6 de agosto temos unha nova actividade do programa Ler conta moito.

Será ás 12 da mañá. O aforo é limitado, polo que será preciso reservar as entradas previamente na Biblioteca (días 4 e 5 de agosto presencialmente ou por teléfono no 982452324, en horario de 8:30 a 14:30).

A Cinecleta volve á Biblioteca: cóntame un cine. Anxo Moure achegaranos á historia do cinema mesturado con contos cinematográficos, coñecendo tamén os fondos mariños das Illas Atlánticas, proxectados desde a Cinecleta.

Veremos tamén como era un dos cines de Escairón.

visita sorpresa

Este luns, viñeron de visita polo Saviñao escolares dos colexios da Pobra do Brollón e de Sober. Na súa parada en Escairón, preguntaron se podían visitar a biblioteca, e como aquí recibimos a todas as visitas cos brazos abertos, convidámolos a pasarse polas nosas instalacións

visita-sober-pobra-01

Dado o escaso tempo que durou o percorrido, só fixemos a visita á sala de informática na que resumimos brevemente o motivo da súa visita: A Ribeira Sacra, o seu significado e os elementos máis definitorios deste territorio:

  • as xentes e a viticultura heroica,
  • arte románica e cultura,
  • paisaxe, flora e fauna
  • o río (no noso caso, o Miño)

Rematado o percorrido virtual polo territorio, visitamos a vila: desde o balcón da biblioteca vimos a casa de Balbina López Somoza e, desde a praza, o edificio no que se ubicou a súa farmacia.

Non houbo tempo para máis, así que quedaron convidados a volver outro día para coñecer máis cousas.

visita de 5º de primaria

Os alumnos de 5º de Primaria do CPI Dr. López Suárez de Escairón na súa visita á biblioteca municipal, ademais de achegarse á biografia de Balbina López puideron ver os traballos presentados ós certames de Banda Deseñada de María Castaña e Lola de Penelas que este mes decoran a biblioteca.

balbina con 5º1

Atentos á biografía de Balbina López e sobre todo a fotos da súa vida. Á esquerda vense expostos os traballos de Banda Deseñada sobre María Castaña.

Para rematar a visita, fixeron un breve percorrido pola vila de Escairón para coñecer os sitios máis relevantes de Escairón para coñecer a Balbina López: as rúas Pardo Bazán e Doctor Portela nas que viviu, a Praza maior onde tiña a súa farmacia e mercaba as froitas e verduras no mercado, e as dúas farmacias que hai hoxe na vila.

balbina con 5º3

Vemos onde estaba a farmacia que rexentou Balbina López antes de que coa reforma do edificio para albergar a residencia se trasladara uns metros rúa arriba.

balbina con 5º2

Aquí vemos onde os campesiños vendían os seus excedentes de produción durante a semana na praza Maior.

 

obradoiro as nosas historias

Para celebrar o mes das Letras Galegas, e animarvos a participar no Certame Letras Galegas 2016 [que como sabedes, este ano se titula “Canta bichería!”], presentámosvos unha nova actividade:

As nosas historias

obradoiro de sombras chinescas

da man de Olga Abad

o 6 de maio, ás 18:30 na sala infantil

as nosas historias corrixido

Co obradoiro de sombras chinescas “As nosas historias”, o que se busca é fomentar a creatividade, a escoita, e coñecer historias da nosa tradición oral. Ademais levaredes para a casa, de recordo, as personaxes para que lle contedes a quen queirades o conto no que se baseou o obradoiro.

Trátase dunha actividade do catálogo de actividades Ler conta moito, financiada polo Concello do Saviñao e a Consellería de Cultura, Educación e Ordenación Universitaria da Xunta de Galicia.

festas 2014 en escairón

Recopilamos os informativos da TVG (e algúns outros) que falaron da carreira de burros do Saviñao nas festas deste 2014.

Telexornal Mediodía
Carreira de burros en Escairón
Publicado o 05/08/2014 15:09

http://www.crtvg.es/flow3/flowplayer.commercial.swf

Telexornal Mediodía
64 edición da carreira de burros do Saviñao
Publicado o 05/08/2014 15:25

http://www.crtvg.es/flow3/flowplayer.commercial.swf

Telexornal Serán
64 edición da carreira de burros do Saviñao
Publicado o 05/08/2014 20:51

http://www.crtvg.es/flow3/flowplayer.commercial.swf

Televinte Chantada
Máis dunha trintena de burros e milleiros de persoas na Gran Carreira de Escairón
Publicado 05 08 2014

ATLAS
Jinetes a lomo de burros compiten por ser los más veloces de Escairón
Publicado 05.08.14 | 19:11h.

http://www.crtvg.es/flow3/flowplayer.commercial.swf

Bos días
LXIV Edición da Carreira de Burros do Saviñao
Publicado o 06/08/2014 09:33

http://www.crtvg.es/flow3/flowplayer.commercial.swf

Bos días
LXIV Edición da Carreira de Burros do Saviñao
Publicado o 06/08/2014 09:33

http://www.crtvg.es/flow3/flowplayer.commercial.swf

A Revista
Genaro, montado por Sergio, campión da tradicional carreira de burros de Escairón
Publicado o 06/08/2014 13:22

día do libro 2013

Para celebrar o Día do Libro, o día 23 de abril, a Biblioteca do Saviñao, en colaboración coa Biblioteca de Sober e o seu Clube de Lectura “Pintor de Castinande” organizan unha excursión, para coñecer algún dos enclaves culturais e patrimoniais máis representativos do concello do Saviñao.

Os desprazamentos faranse nos coches dos propios asistentes, polo que é importante anotarse para saber o número de participantes e de cantos coches se disporá, para poder organizar os traslados.

A celebración comezará na Biblioteca Municipal do Saviñao ás 17.00 h.

Comezará cunha visita guiada e un acto conmemorativo, e se a meteoroloxía non o impide, desprazarémonos a dous enclaves próximos: Abuime e Seteventos.

Para anotarse chamar a estes números ou contactar con estes correos:

Para saber como chegar á biblioteca do Saviñao, preme neste enlace.

.

Ademais, o venres 26, ás 17.00, venres de contacontos na biblioteca, visitaranos a Compañía Trinke Trinke, nunha actividade ofertada dentro do programa Ler conta moito, financiado polo Concello do Saviñao e a Consellería de Cultura, Educación e ordenación Universitaria.

Máis información en vindeiros días.

dolmen de Abuime

O patio da biblioteca foi escollido como lugar temporal de exposición ó público da pedra supostamente tomada do dolmen de Abuime, e que foi reconvertida en pía para dar de beber ós animais.

Segundo o exposto por diversos especialistas, dado o estado actual no que se atopa a pedra da cuberta, a súa ubicación á intemperie afectaría gravemente á súa conservación. Por isto se traballou urxentemente para acadar un convenio entre as Consellerías de Presidencia, Administracións Públicas e Xustiza, Medio Ambiente, Territorio e Infraestruturas, Cultura, Educación e Ordenación Universitaria e Medio Rural e do Mar e o Concello do Saviñao.

Grazas a este convenio, preténdese apoiar a iniciativa de turismo arqueolóxico, que axudaría a asentar a poboación no interior, fomentando a creación de empregos no sector turístico.

Está previsto que as obras comecen en xaneiro e duren ata marzo de 2013. Coa partida presupostaria extraordinaria asignada por este convenio, procederase a levar a cabo unha ampliación no edificio da biblioteca para habilitar un espazo como Museo Arqueolóxico Municipal (MAM).

Pódense ampliar detalles na prensa escrita [pulsar para abrir o enderezo automático]:

http://www.lavozdegalicia.es/video/ocioycultura/2012/12/05/video-recuperacion-parte-superior-dolmen-siglo-despues-retirada-ubicacion-original/00311354708003873698158.htm?idioma=galego

http://elprogreso.galiciae.com/nova/197541-encuentran-tapa-dolmen-abuime-casa-savinao

http://elprogreso.galiciae.com/nova/215190-musealizados-restos-dolmen-abuime

http://ccaa.elpais.com/ccaa/2012/09/25/galicia/1348599552_391279.html

[para abrir os enlaces de prensa: seleccionar o enderezo e co botón secundario do rato escoller copiar, pegalo no explorador para abrilo]

A CASA da BOTICA

Esta é a vista do edificio que hoxe ocupa a biblioteca, desde o solar no que se construiu o Auditorio Municipal e o lavadoiro de coches da Gasolineira de Escairón aló polos anos 60. Pódese apreciar que se conservou a súa estrutura orixinal.

Xosé Benito de Lage casou con María Vicenta de Prado, dotada polos seus maiores coa titularidade da casa coa horta anexa, no ano 1815. Sen dúbida, as instalacións non eran suficientes porque cara a 1830 construíron, con importantes axudas familiares, a máis tarde coñecida por “Casa nova da Botica”.

Así comeza o artigo que fala da orixe do edificio que hoxe ocupa  Biblioteca Municipal en Escairón. Pódese consultar o texto completo na wiki da biblioteca, ou premendo sobre a cita do artigo.

Tedes fotos do edificio de anos atrás? Podedes facelas chegar á biblioteca a traves deste formulario.

que facer este verán [1]

Á marxe dos libros que poidamos recomendar para entreter as tardes deste verán, este ano recomendamos aproveitar o caudal do embalse de Belesar en mínimos históricos (está a menos do 5% do seu caudal), para facer turismo “arqueolóxico subacuático ó aire libre“.

Podemos ver as ruínas de diversos pobos, ribeiras e vías que quedaron asolagados pola auga ó encherse o embalse de Belesar polos anos ’60.

Recomendacións imprescindibles para facer estas rutas, só 2 que son imprescindibles:

  • Precaución: para evitar accidentes é recomendable levar roupa e calzado adecuados para camiñar por terreos quebrados (pedras soltas e zonas fangosas) e non achegarse moito ó río pois pode resultar moi perigoso porque o fango ademais de esvaradizo, ó afundir nel nas proximidades da auga fai moi difícil saír del aínda con axuda. Se se leva cámara de fotos ou de vídeo, convén non esquecer esta recomendación de mirar e comprobar ben por onde se pisa (evitando saltar).Se fai calor, como fixo estes días atrás, é tamén importante levar auga en abundancia para evitar a deshidratación, pois hai que andar moitos tramos a pé.
  • Respeto: polos monumentos de cultura popular e etnográfica que chegaron a nós conservados pola auga do Pai Miño (aínda se poden ver adegas, barcas, muras, fornos, muíños, igrexas, etc en perfecto estado de conservación) para que se poida volver gozar da súa visión no futuro cando volvan baixar as augas a este nivel. Respeto que se manifesta tamén no saber do por que iso está ahí, como se fixo o traslado forzoso da xente, etc. pois iso forma tamén parte da nosa historia. E desde logo, non esquilmar as ruínas vexetais (cepas, carballos, castiñeiros, sobreiras, etc.) nin, por suposto, as patrimoniais.

FOTOS:

Castro de Candaz (Chantada) visto desde Ribas do Miño (O Saviñao)

Ribeiras de Ribas do Miño (O Saviñao) vistas desde o Castro de Candaz (Chantada)

Ponte entre os concellos do Saviñao e Taboada. Desde ela pode verse a vella ponte que unía os concellos e que queda asolagada polo embalse de Belesar.

A ponte que quedou asolagada aínda podería ser usada hoxe para circular por ela…

No pobo de Mourulle, asolagado polo embalse, poden verse os restos dun convento, da igrexa, un pozo, etc. se na visita coincidimos cun lugareño, pode contarnos a historia do lugar.