O vindeiro mércores, día 27 podedes ser solidarios e compartir o voso sangue.
A unidade móbil do Centro de Transfusión de Galicia estará no noso concello:
Se queres levar lecturas breves para entreterte durante a espera e a sesión oazón, podes pedirnos suxerencias de lectura na biblioteca!
Aproveita o verán para ler e recomendar as túas lecturasa través da web da Federación de Librarías de Galicia no enlace www.librarias.org/concurso!
Ata o 30 de Decembro todos os usuarios poderán facer as súas recomendacións literarias. Coas súas recomendacións, axudarán a outros usuarios da plataforma a atopar a súa próxima lectura e ó mesmo tempo entrarán no concurso de 5 bonos por valor de 20 € a canxear en calquera das librarías asociadas á Federación.
Loito no mundo das letras galegas porque nos deixou o autor Agustín Fernández Paz, prolífico autor da literatura infantil e xuvenil en língua galega. Na biblioteca podedes atopar máis de 40 títulos seus, nun estante especialmente colocado para lembralo.
Aquí vedes algúns dos seus dispoñibles na biblioteca:
Se non lestes aínda nada del, ou se queredes ler algo máis, non dubidedes de pasarvos mirar na vosa biblioteca.
O pasado venres elaboramos uns preciosos cadros mariños con varios elemenentos do mar:
Os pasos para elaboralos na casa son:
1.- colorear unha base con acuarela líquida ou témpera moi diluída deixando caer gotas de distintas tonalidades ata ter o fondo cuberto e, mentras aínda está mollado, espolvorear cun compoñente esencial da auga mariña (adiviñas cal?)
2.- escoller varios elementos mariños para decorar o noso cadro das profundidades oceánicas (mentras secaba a pintura, elaboramos uns sinxelos peixes de origami moi lucidos)
3.- incorporar todos os elementos que escollemos para o noso cadro mariño (cunchas, peixes de varios tamaños e estreliñas) pegándoos con cola quente para que queden ben suxeitos.
Este venres teremos un novo obradoiro, co que aprenderemos a crear o noso propio acuario na casa pero sen que sexa necesario botarlle de comer ós seus habitantes. Animádesvos?
Podedes atopar algunhas fotos do contacontos Mergullámonos no blog do programa Ler conta Moito dentro do que se enmarcaba.
Podedes ver un resumo da actividade As nosas historias no blog Ler conta moito, programa do que formaba parte:
https://blogs.xunta.gal/lercontamoito/2016/05/16/as-nosas-historias-na-bpm-do-savinao/
Celebramos o Día das Letras Galegas publicando o listado de premiados no Certame de Narración e Debuxo Infantil Letras Galegas 2016 (na biblioteca figura o nome completo dos premiados):
BIBLIOTECA PÚBLICA MUNICIPAL DE
O SAVIÑAO
Certame de narración e debuxo infantil
“LETRAS GALEGAS 2016”
FALLO LOCAL
Categoría A:
Poderanse ver, expostas na Biblioteca, copias dos traballos premiados. Os traballos que non resultaron galardoados, poderanse recoller na mesma Biblioteca ata a data de entrega dos premios.
A data e hora da entrega de premios darase a coñecer neste mesmo lugar.
Escairón, a 16 de maio de 2016
A entrega de premios será o 3 de xuño sobre as 7 da tarde. Iremos informando.
Se aínda non coñecedes o último traballo de María do Ceo, podedes atopalo na biblioteca, na sección de últimas incorporacións.
[pulsa na carátula para ampliar os detalles]
Podedes ver un resumo da actividade Palabras creativas no blog Ler conta moito, programa do que formaba parte:
http://blogs.xunta.gal/lercontamoito/2016/04/27/palabras-creativas-na-bpm-do-savinao
O luns virán os estudantes da Escola Infantil Municipal do Saviñao virán visitar a biblioteca este luns.
Así coñecerán de primeira man a nosa Casa dos libros, poderán escoller entre os libros que tén e pensar se teñen na casa algún libro que xa leran e queren que outra persoa lea tamén.
Tamén saberán que na biblioteca temos libros para ver, tocar, ler e xogar. Esperamos que o pasen moi ben!
Biblioteca Pública Municipal do Saviñao 