Continuamos coas actividades do programa Ler conta moito, este ano trasladándoas ao colexio.
Este venres ás 11 presentaremos, de biblioteca a biblioteca, a actividade musicada: Cantando os cantares, con Truque Matruque.
Con esta actividade achegarémonos á figura de Rosalía de Castro e á súa poesía.
Este venres comezamos as actividades do programa Ler Conta Moito na biblioteca.
Visitaremos a biblioteca do colexio de Escairón con Antía Yáñez, autora do conto A reconquista (Premio Fina Casalderrey de literatura Infantil pola Igualdade, da editorial Baía) e 2 novelas de intriga que gustaron tanto, que cando nos visitou polo Día da Biblioteca de 2019, tivo unha intensa sesión de reparto de autógrafos: O misterio de Portomarín e O misterio do torque de Burela.
Resume do Ciclo Biblioteca en Igualdade
Podedes atopar información detallada das actividades que conformaron o Ciclo Biblioteca en Igualdade nos seguintes enlaces do blog Ler conta moito, programa do que formaban parte todas as actividades desenvoltas (iremos actualizando segundo se vaian producindo:
A carteira de Augasclaras con Carmen Domech, na Biblioteca Pública Municipal do Saviñao o vindeiro venres 13 de setembro ás 12 h., continúa o ciclo A biblioteca en igualdade.
Martina reparte cartas na biblioteca:
Unha de Clementina, a tartaruga que viaxa ceibe polo mundo.
Outra, da elefantiña Rosa Caramelo, que logrou que na súa manada todos vivan xuntos e iguais.
A nena que rega a albáfega escríbenos dende moi lonxe, onde ninguén pode obrigala a facer o que non queira.
Estela dinos como aprendeu a berrar moi forte se algún maior nos fai xogar a xogos que non nos gustan NADA.
Esta actividade (para público a partir de 4 anos) enmárcase no programa Ler conta moito de igualdade, financiado pola Consellería de Cultura e Turismo dentro do Pacto de Estado contra a Violencia de xénero.
=Igual con Dani Viéitez e Iria Iglesias, na Biblioteca Pública Municipal do Saviñao o vindeiro venres 6 de setembro ás 12 h., iniciando o ciclo A biblioteca en igualdade.
Dani Viéitez e Iria Iglesias, autores da serie do Raposo Rufo e de Amanita e Pilonga falarannos do seu traballo como ilustradores, das tarefas na casa, que reparten equitativamente.
Neste contacontos relacionado coa igualdade, explicarán conceptos coma a empatía, o respecto, o sexismo e o feminismo. Rematando cun obradoiro.
Esta actividade enmárcase no programa Ler conta moito, financiado pola Consellería de Cultura e o Concello do Saviñao.
Ven o venres 6 de setembro ás 12 h. a esta actividade para participantes a partir de 3 anos e público familiar.
Música miúda co cantautor e escritor Miguel Alonso na Biblioteca Pública Municipal do Saviñao o vindeiro venres 2 de agosto ás 12 h., como preludio ás Festas Patronais.
Esta actividade enmárcase no programa Ler conta moito, financiado pola Consellería de Cultura e o Concello do Saviñao.
Na vila de Bemol Pequeno a música nunca para! Ou si?
Ven o venres 2 de agosto ás 12 h. resolver o misterio da música desaparecida da man da Meiga Xela, canta co dinosaurio Pepón e baila ao ritmo da Banda do Carballo! As Historias de Bemol Pequeno. Contacontos e música.
Actividade para público familiar, a partir de 3 anos.
Coma tódolos anos, para celebrar o Día do Libro Infantil, ademais dunha mostra dos libros de Hans Christian Andersen, preparamos estas actividades para esta semana:
Rematamos as celebracións do Samaín, cun obradoiro terrorífico o mesmo Día de Defuntos:
Terroríficas. Obradoiro de literatura e escritura de terror
2 de novembro de 5 a 7 da tarde
Terroríficas
Obradoiro de literatura e escritura de terror,
da man de Andrea Barreira Freije
Combinando a lectura e a escritura de relatos de terror, viaxaremos a través de distintas autoras (Mary Shelley, Shirley Jackson, Pilar Pedraza, María Canosa, Uxía Casal entre outras) pola literatura de terror construíndo o noso propio relato.
Todo isto da man da escritora Andrea Barreira Freije.
Unha actividade pensada para participantes a partir de 11 anos: desde os 11 anos á inmortalidade.
Recoméndase inscribirse na biblioteca, presencialmente ou no teléfono 982452324.
En outubro tampouco faltará a sesión de contacontos do venres 5 de outubro ás 5 da tarde. [podedes ver o resumo da actividade no blog ler conta moito]
¿Algúen estivo algunha vez nun restaurante?
De ser así, desta vez será diferente.
Os nenos/as que asistan ao obradoiro,
terán a oportunidade de adentrarse
nun restaurante moi especial,
no que a imaxinación e os libros
serán os ingredientes principais
dos pratos a degustar. 
Contacontos
Un banquete con moito conto!,
da man de Andamiaxe
Esta actividade está recomedada de 5 a 8 anos e público familiar e acompañante.
As prazas son limitadas, polo que é preciso anotarse na biblioteca ou no número 982452324.
Para abrir boca porque se achega o Día das Bibliotecas, e como vimos facendo nos últimos anos a FESTA DA BIBLIOTECA! Cada día falta menos…en breve, máis información aquí mesmo.
A actividade englobada no programa “Ler conta moito” da Consellería de Cultura, Educación e Ordenación Universitaria conta coa colaboración do Concello do Saviñao.
Chega agosto e chegan as festas. E na biblioteca imos deixar pegada! Farémolo xusto antes das festas patronais coa sesión de contos do venres 3 de agosto ás 12 da mañá, na que como tén prazas limitadas, convén que vos inscrivades canto antes.
Obradoiro creativo
Autores con pegada,
da man de ‘Menos dá unha pedra‘
Esta actividade está recomedada de 4 a 7 anos e público familiar acompañante, cun máximo de 12 participantes (farase unha lista de espera, e no caso de que ás 11:45 falte algunha das persoas inscritas, avisarase por teléfono á seguinte da lista de espera).
Crearemos as personaxes da nosa historia, e ilustrarémola.
Cando rematemos, organizaremos unha exposición para mostrar ó mundo as nosas fantásticas creacións!
Inscricións: na biblioteca ou a través do teléfono 982452324.
A actividade englobada no programa “Ler conta moito” da Consellería de Cultura, Educación e Ordenación Universitaria conta coa colaboración do Concello do Saviñao.
