día do libro infantil 2020

Tódolos anos nos gusta celebrar o Día do Libro Infantil, ademais de cunha mostra dos libros de Hans Christian Andersen, actividades variadas.

Debido á situación excepcional de Estado de Alarma decretado polo goberno por mor da pandemia do COVID 19, reorientamos as actividades para adaptalas ó confinamento domiciliario que nos toca vivir.

Visitas

En lugar das visitas-contacontos á biblioteca, recomendámosvos a visita virtual ó Salón (Virtual) do Libro de Pontevedra, no que poderedes atopar numerosas propostas de obradoiros, contos, e actividades.

Mostra Bibliográfica

Cambiámola polo acceso a varios contos de Hans Christian Andersen por internet:

Actividades

Propoñémosche que fagas un debuxo dun conto de Hans Christian Andersen e compártea no noso twitter @BSavinao ou envíanos unha foto ó correo da biblioteca (osavinao.rbgalicia@eidolocal.es) e nós compartirémola por ti.

Mensaxe

Presentámosvos noutro artigo o texto completo do díptico coa mensaxe conmemorativa deste ano, o texto é de Peter Svetina e o cartaz de Damijan Stepancic. A tradución galega é de Héctor Cajaravide.

folletoDLIX2020

Concurso

Promoción do concurso da OEPLI Organización Española Para el Libro Infantil y Juvenil, e as súas diferentes seccións, entre as que se atopa Galix Asociación Galega do Libro Infantil e Xuvenil, “Un poema na túa voz” (as Bases modificadas no blog de GALIX para incluír a modalidade de participación en familia).

Feliz Día do Libro Infantil

texto día do libro infantil 2020

FAME DE PALABRAS
A finais do mes de abril, ou a comezos de maio, no meu país reverdecen os arbustos. Ao pouco tempo, as crisálidas das bolboretas prenden neles. Locen coma boliñas de algodón, mais as eirugas devoran folla tras folla ata que os arbustos perden o seu verde por completo. Cando as bolboretas saen das súas crisálidas botan a voar; pero malia todo, os arbustos non quedan arruinados: dentro dun ano volverán agromar, e así unha e outra vez.
Esta é a imaxe dunha escritora, a imaxe dun poeta: os contos e os poemas aliméntanse deles, ríllanos, esgótanos… E cando xa están escritos, saen voando para acabaren nos libros, para aterraren nos oídos daqueles que os escoitan. E isto non deixa de repetirse nunca…
E que ocorre cos poemas e cos contos?
Coñezo un rapaz ao que operaron dos ollos. Logo da intervención tivo que estar dúas semanas deitado sobre o seu costado dereito; e despois, durante un mes máis, non puido ler. Non puido ler nada. Cando, tras un mes e medio de repouso, volveu coller un libro, tivo a sensación de estar arramplando coas palabras a eito dunha tarteira. Como se as comese, como se as comese de verdade.
E coñezo unha rapaza que agora é mestra, e que dixo: “Pobres daqueles nenos aos que os seus pais non lles lían libros!”
As palabras, nos poemas e nos contos, son alimento. Non son alimento para o corpo, porque ninguén podería encher o estómago con elas. Son alimento para o espírito e para a alma.
Cando alguén ten fame e sede, o seu estómago encóllese e sécaselle a boca. Busca encontrar cando menos un codeliño de pan, unha cunca de arroz, un peixe ou unha froita. Canta máis fame, tanto máis se lle estreita a mirada, ata que xa non ve máis ca un bocado ou un grolo que o deixarían farto.
Pero a fame de palabras non se presenta deste xeito, senón que toma forma de abatemento, de apatía, de arrogancia. A xente que sofre deste tipo de fame non é consciente de que na súa alma reina o frío, non se decata de que está a pasar a carón de si mesma e non se ve. Unha parte do mundo váiselle das mans sen sequera notalo.
Esta fame unicamente poden saciala os poemas e os contos.
Se nunca o fixemos, existe a esperanza de que poidamos acalmar este tipo de fame?
Si. Aquel mozo le, raro é o día en que non o fai. E a moza que é mestra le contos para o seu alumnado. Cada venres. Cada semana.
E se algunha vez lle esquece, son as nenas e os nenos quen llo lembran.
E a escritora? E o poeta? Ao ano seguinte, reverdecerán. E volverán roelos os contos e os poemas que logo, transformados en bolboretas, botarán a voar. Unha e outra vez.
Escrito por Peter Svetina
Ilustrado por Damijan Stepancic
Traducido por Héctor Cajaraville
Díptico:
folletoDLIX2020

día do libro infantil

Coma tódolos anos, para celebrar o Día do Libro Infantil, ademais dunha mostra dos libros de Hans Christian Andersen, preparamos estas actividades para esta semana:

  • Visita-contacontos coa Escola Infantil Municipal o venres 5 de abril ás 11:00 h. na que lles mostraremos as novas incorporacións de 0 a 5 anos, que inclúen libros de baño, libros en cartón e libros para aprender xogando.
  • Mostra Bibliográfica “Hans Christian Andersen” desde o 22 de marzo na sala infantil.
  • Reparto de 100 dípticos coa mensaxe do escritor e ilustrador Kęstutis Kasparavičius (podedes atopala neste mesmo blog)
  • Promoción do concurso “Selfie LIX Día Internacional” (as Bases na páxina da OEPLI)

 

actividades polo día do libro infantil 2019

Un ano máis, xa están listos os preparativos para a celebración do Día Internacional do Libro Infantil, a xornada que conmemora o nacemento de Hans Christian Andersen o día 2 de abril.

A OEPLI Organización Española Para el Libro Infantil y Juvenil, GÁLIX e as súas outras seccións, traballan xa na celebración deste día animando a participar a centros escolares, bibliotecas e librarías na difusión da mensaxe do escritor e ilustrador Kęstutis Kasparavičius

CARTEL_DILI_gl_pq-corrixido

Para celebrar o Día do Libro Infantil, preparamos estas actividades para esta semana:

  • Difusión da mensaxe do escritor e ilustrador Kęstutis Kasparavičius co reparto de 100 dípticos, que tamén podedes ler aquí ó final.
  • Mostra Bibliográfica “Hans Christian Andersen” desde o 22 de marzo na sala infantil
  • Promoción do concurso “Selfie LIX Día Internacional” (consulta as Bases na páxina da OEPLI)
  • Visita-contacontos coa Escola Infantil Municipal o venres 5 de abril ás 11:00 h.

OS LIBROS FANNOS ACOUGAR

Vou con présa!, Non teño tempo ningún!, Aburiño!… Expresións coma estas poden escoitarse quizais acotío, non só en Lituania -no centro mesmo de Europa-, senón en moitas partes do mundo. E a miúdo escóitase dicir tamén que vivimos na idade da abundancia da información, da présa e da precipitación.

Non obstante, colles un libro entre as mans e, inmediatamente sentes que algo muda. Parece que os libros teñen unha cualidade marabillosa: axúdannos a acougar. Tan pronto como abres un libro, mergúllaste nas súas tranquilas profundidades e sabes que nel as cousas non pasarán a tanta velocidade que non che permita apreciar nada. Comezas a entender que non paga a pena lanzarse a facer tarefas de dubidosa urxencia. Nun libro todo acontece paseniñamente, en orde e segundo unha secuencia. Quizais porque as súas páxinas están numeradas, quizais porque as súas follas roxen amodo a medida que as vas pasando. Nos libros, os acontecementos do pasado atópanse cos que aínda están por chegar.

O universo dos libros é moi extenso; e nel poden mesturarse a realidade coa imaxinación e a fantasía. Ás veces non sabes moi ben onde -se nun libro ou na vida- percibiches de que xeito tan fermoso caen as pingas do tellado nevado cando se derreten, ou de que forma tan bonita cobre a carriza o valado da veciña. Foi nun libro ou na realidade onde comprobaches que as amoras non só son bonitas senón tamén amargas? Aconteceu nun libro ou na realidade cando estabas estomballada sobre a herba seca no verán, e despois sentada coas pernas cruzadas, vendo como as nubes avanzan polo ceo adiante?

Os libros axúdannos a vivir amodo, apréndennos a observar e convídannos a buscar acomodo e sentar durante un longo anaco. A miúdo lemos sentadas, co libro sobre a mesa ou entre as mans, non si?

E non comprobastes o milagre de que cando estás a ler un libro, o libro tamén te le? Si, si, os libros tamén saben ler. Lenvos a fronte, as cellas, as comisuras da boca que soben e baixan, pero primeiro e por riba de todo, os libros len os ollos. E mirándote aos ollos, eles ven… vaites, xa sabedes o que ven!

Estou seguro de que os libros nunca están aburridos se están entre as túas mans. Unha persoa que goce lendo -sexa pequena ou adulta- é moito máis interesante que unha persoa á que non lle preocupen os libros, que sempre estea bulindo a contrarreloxo, que non teña tempo para sentar, que non teña tempo para fixarse en nada do seu arredor.

No Día Internacional do Libro Infantil, este é o meu desexo para todas nós:

Que non falten libros interesantes para o lectorado e lectorado interesante para os libros!

Kęstutis Kasparavičius
Tradución: Antía Marante Arias (GÁLIX)

Podes consultar todas as actividades que se organizan por esta data neste enlace da OEPLI (Organización Española para el Libro Infantil y Juvenil) http://www.oepli.org/pag/dia_inter/dia_llista.php

día do libro infantil 2019

Un ano máis, xa están listos os preparativos para a celebración do Día Internacional do Libro Infantil, a xornada que conmemora o nacemento de Hans Christian Andersen o día 2 de abril.

A OEPLI Organización Española Para el Libro Infantil y Juvenil, GÁLIX e as súas outras seccións, traballan xa na celebración deste día animando a participar a centros escolares, bibliotecas e librarías na difusión da mensaxe escrita e ilustrada por Kęstutis Kasparavičius que este ano preparou a sección IBBY Lituania, traducido ao galego por Antía Marante Arias.

CARTEL_DILI_gl_pq-corrixido

Entre as actividades coas que se celebra este día, animámosvos a participar no concurso que convocou a OEPLI Organización Española Para el Libro Infantil y Juvenil, e as súas diferentes seccións, entre as que se atopa Galix Asociación Galega do Libro Infantil e Xuvenil, co patrocinio do Ministerio de Cultura y Deporte:

o concurso «Selfie LIX Día Internacional»

O prazo de entrega dos traballos remata o 10 de abril de 2019

Poden participar todos os lectores e lectoras que estean a cursar Primaria ou o
primeiro ciclo de Secundaria, a través do seu centro docente ou desde a
biblioteca. Deben:

  • Escoller unha ilustración dun personaxe ou unha escena da literatura
    infantil e xuvenil.
  • Facer unha fotografía que recree o personaxe ou a escena escollida.
  • Presentar a fotografía xunto co fragmento ou a ilustración que a inspira,
    indicando o título do libro ao que pertence.

A participación no concurso organizarase a través dos centros docentes e bibliotecas que faremos unha selección previa de tres traballos por categoría e debemos entregalos antes do día 10 de abril. Por eso vos convidamos a que pasedes pola biblioteca e o entreguedes antes do 10 de abril, de xeito que poidamos facer a selección para enviar á organización. Podedes descargar as Bases do concurso e consultar o díptico na páxina Día do Libro Infantil da OEPLI.

OS LIBROS FANNOS ACOUGAR

Vou con présa!, Non teño tempo ningún!, Aburiño!… Expresións coma estas poden escoitarse quizais acotío, non só en Lituania -no centro mesmo de Europa-, senón en moitas partes do mundo. E a miúdo escóitase dicir tamén que vivimos na idade da abundancia da información, da présa e da precipitación.

Non obstante, colles un libro entre as mans e, inmediatamente sentes que algo muda. Parece que os libros teñen unha cualidade marabillosa: axúdannos a acougar. Tan pronto como abres un libro, mergúllaste nas súas tranquilas profundidades e sabes que nel as cousas non pasarán a tanta velocidade que non che permita apreciar nada. Comezas a entender que non paga a pena lanzarse a facer tarefas de dubidosa urxencia. Nun libro todo acontece paseniñamente, en orde e segundo unha secuencia. Quizais porque as súas páxinas están numeradas, quizais porque as súas follas roxen amodo a medida que as vas pasando. Nos libros, os acontecementos do pasado atópanse cos que aínda están por chegar.

O universo dos libros é moi extenso; e nel poden mesturarse a realidade coa imaxinación e a fantasía. Ás veces non sabes moi ben onde -se nun libro ou na vida- percibiches de que xeito tan fermoso caen as pingas do tellado nevado cando se derreten, ou de que forma tan bonita cobre a carriza o valado da veciña. Foi nun libro ou na realidade onde comprobaches que as amoras non só son bonitas senón tamén amargas? Aconteceu nun libro ou na realidade cando estabas estomballada sobre a herba seca no verán, e despois sentada coas pernas cruzadas, vendo como as nubes avanzan polo ceo adiante?

Os libros axúdannos a vivir amodo, apréndennos a observar e convídannos a buscar acomodo e sentar durante un longo anaco. A miúdo lemos sentadas, co libro sobre a mesa ou entre as mans, non si?

E non comprobastes o milagre de que cando estás a ler un libro, o libro tamén te le? Si, si, os libros tamén saben ler. Lenvos a fronte, as cellas, as comisuras da boca que soben e baixan, pero primeiro e por riba de todo, os libros len os ollos. E mirándote aos ollos, eles ven… vaites, xa sabedes o que ven!

Estou seguro de que os libros nunca están aburridos se están entre as túas mans. Unha persoa que goce lendo -sexa pequena ou adulta- é moito máis interesante que unha persoa á que non lle preocupen os libros, que sempre estea bulindo a contrarreloxo, que non teña tempo para sentar, que non teña tempo para fixarse en nada do seu arredor.

No Día Internacional do Libro Infantil, este é o meu desexo para todas nós:

Que non falten libros interesantes para o lectorado e lectorado interesante para os libros!

Kęstutis Kasparavičius

 

actividades polo día do libro infantil

Para celebrar o Día do Libro Infantil, preparamos estas actividades para esta semana:

día do libro infantil 2018

Un ano máis, xa están listos os preparativos para a celebración do Día Internacional do Libro Infantil, a xornada que conmemora o nacemento de Hans Christian Andersen o día 2 de abril.

A OEPLI Organización Española Para el Libro Infantil y Juvenil, GÁLIX e as súas outras seccións, traballan xa na celebración deste día animando a participar a centros escolares, bibliotecas e librarías na difusión da mensaxe da escritora Inese Zadere e o cartaz do ilustrador Reinis Peterson que este ano preparou a sección IBBY Letonia, traducido ao galego por Ana Luna e Antía Marante.

Cartel DILI_2018_gl_pq

Entre as actividades coas que se celebra este día, animámosvos a participar no concurso que convocou a OEPLI Organización Española Para el Libro Infantil y Juvenil, e as súas diferentes seccións, entre as que se atopa Galix Asociación Galega do Libro Infantil e Xuvenil, co patrocinio do Ministerio de Educación, Cultura e Deporte:

o concurso “Un conto de H. C. Andersen en cómic

Este concurso vai dirixido a lectores e lectoras de primaria e primeiro ciclo de secundaria, que deberán escoller un dos contos do autor dinamarqués Hans Christian Andersen para debuxalo en forma de cómic.

A participación no concurso organizarase a través dos centros docentes e bibliotecas que farán unha selección previa de tres traballos por categoría e entregalos antes do día 23 de abril. Por eso vos convidamos a que pasedes pola biblioteca recoller o modelo de participación no concurso e o entreguedes ata o día 20 de abril na biblioteca, de xeito que poidamos facer a selección para enviar á organización. Podedes descargar as Bases do concurso “Un conto de H. C. Andersen en cómic (e imprimir a última páxina) e tamén consultar o díptico pulsando no texto subliñado.

[Se queres saber que obras de  Hans Christian Andersen hai na biblioteca, pulsa no seu nome.]

Os libros fan grande o máis pequeno Seguir lendo

día do libro infantil

Desde 1965 conmemórase cada día 2 de Abril o Día Internacional do Libro Infantil e Xuvenil, coincidindo coa data de nacemento de Hans Christian Andersen, autor entre outras moitas obras, dos coñecidísimos contos do Parruliño feo, A Sereíña, ou O soldadiño de chumbo.

Xa vos convidamos a participar no

o concurso “Andersen hoxe

e que non esquezades entregar os vosos debuxos na biblioteca ata o día 30 deste mes. Podedes descargar as Bases do concurso “Andersen hoxe” (e imprimir a última páxina) pulsando no texto anterior en negra.

Celebraremos esa data tamén o luns 3 coa lectura da mensaxe deste ano, escrita por Sergey Makhotin e traducida por Sabela González Panizo. O cartaz deste ano foi deseñado por Mikhail Fedorov.

dili_gl

Medremos co libro!

Cando era moi neno gustaba de construír casas con bloques e con xoguetes de todo tipo. No canto do tellado, decotío empregaba un libro infantil ilustrado. Nos meus soños, agatuñaba ao interior da casa, deitábame na cama feita cunha caixa de mistos e ollaba para as nubes ou o ceo estrelado. Dependía da ilustración que máis me gustase.

De maneira intuitiva, seguín a norma vital de cada neno, que procura crearse un medio cómodo e seguro; e un libro infantil de certo axudaba a conseguilo.

Logo medrei, aprendín a ler, e un libro na miña imaxinación comezou a parecer máis unha bolboreta, ou mesmo un paxaro, ca o tellado dunha casa. As páxinas do libro semellaban as ás e crepitaban. Parecía que o libro que xacía na repisa da ventá ía saír voando pola fiestra aberta cara a lugares descoñecidos. Collino e comecei a ler, e o libro comezou a acougar. Logo seguín o libro a outras terras e mundos, expandín así o espazo da miña imaxinación.

Que felicidade ter un libro novo nas mans! Ao principio non sabes de que vai. Resistes a tentación de abrir a última páxina. E que ben cheira! É imposible dividir o seu cheiro nos seus compoñentes: tinta de imprenta, cola… Non, non se pode. Un libro ten un cheiro particular, único e emocionante. As puntas dalgunhas páxinas péganse entre elas, coma se o libro aínda non estivese esperto. Esperta cando comezas a lelo.

Estás a medrar e o mundo ao teu redor está a facerse máis complicado. Estás enfrontándote a preguntas que ningún adulto está preparado para responder. Con todo, é tan importante que compartas as túas dúbidas e segredos con alguén! E velaquí que chega de novo un libro para te axudar. Moitos de nós nos temos sorprendido pensando “este libro vai sobre min!”. E, de súpeto, o personaxe favorito parécese a ti. Ten os mesmos problemas e enfróntase a eles con dignidade. E outro personaxe non se che parece en nada, pero queres que sexa o teu modelo a seguir, queres ser igual de valente ou ter o mesmo enxeño.

Cando un neno ou nena di “non me gusta ler!”, a min dáme a risa. Non lles creo. Seguro que comen xelados, xogan a xogos e ven películas interesantes. Noutras palabras: gústalles divertirse. E ler non é un traballo duro de cara a desenvolver os sentimentos e a personalidade, o que é, antes que nada, é un gran pracer.

E, para iso, especialmente, é para o que os autores escribimos libros infantís!

CARTEL_biblioteca_SAVIÑAO_abril2_pq.jpg

Ademais o venres 7 a partir das 5 cun obradoiro de viñetas e humor gráfico a cargo de Xosé Manuel de Hermanager Producións.

A actividade englóbase dentro do programa de animación á lectura “Ler conta moito”da Consellería de Cultura, Educación e Ordenación Universitaria en colaboración co Concello do Saviñao.

[Se queres saber que obras de  Hans Christian Andersen hai na biblioteca, pulsa no seu nome.]

Podes consultar todas as actividades que se organizan por esta data neste enlace da OEPLI (Organización Española para el Libro Infantil y Juvenil) http://www.oepli.org/pag/dia_inter/dia_llista.php

concurso para o día do libro infantil

Un ano máis, xa están listos os preparativos para a celebración do Día Internacional do Libro Infantil, a xornada que conmemora o nacemento de Hans Christian Andersen o día 2 de abril.
A OEPLI Organización Española Para el Libro Infantil y Juvenil, GÁLIX e as súas outras seccións, traballan xa na celebración deste día animando a participar a centros escolares, bibliotecas e librarías na difusión da mensaxe e cartel que este ano se preparou dende a sección rusa do IBBY, escrito por Sergey Makhotin, ilustrado por Mikhail Fedorov e traducido ao galego por Sabela González.

dili_gl

Entre outras actividades que vos iremos presentando nos vindeiros días, está a de animarvos a participar no concurso que coincidindo con esta data sinalada convocou a OEPLI Organización Española Para el Libro Infantil y Juvenil, e as súas diferentes seccións, entre as que se atopa Galix Asociación Galega do Libro Infantil e Xuvenil, co patrocinio do Ministerio de Educación, Cultura e Deporte:

o concurso “Andersen hoxe

Este concurso vai dirixido a nenas e nenos de primaria e primeiro ciclo de secundaria, que deberán escoller unha personaxe dos contos do autor dinamarqués Hans Christian Andersen e elaborar un debuxo actual do mesmo.

A participación no concurso organizarase a través dos centros docentes e bibliotecas que deberán facer unha selección previa de tres traballos por categoría e entregalos antes do día 2 de abril. Por eso vos convidamos a que pasedes pola biblioteca recoller o modelo de participación no concurso e o entreguedes ata o día 30 deste mes na ibblioteca, de xeito que poidamos facer a selección para enviar á organización. Podedes descargalo neste enlace e imprimir só a última páxina.

Podes descargar as Bases do concurso “Andersen hoxe” (e imprimir a última páxina) e tamén consultar o díptico pulsando no texto anterior en negra.

día do libro infantil 2016

DILI_gl_pq.JPG

Para celebrar o Día do Libro Infantil e Xuvenil, temos preparadas un montón de sorpresas.

Do 28 de marzo ó 8 de abril:

  • Exposición de libros protagonizados por animais, para inspirarvos a que participedes no …
  • concurso “Adopta un animal de conto.
  • Cada préstamo que se realice levará un préstamo sorpresa que non se verá ata chegar á casa.

O día 1:

  • Lectura e reparto de trípticos da mensaxe de Luciana Sandroni con ilustración de Ziraldo, conmemorativos desta data. [para ler o conto de Luciana Sandroni, preme aquí]
  • Presentaremos a “Casa dos Libros”. Parte de la casa estará pintada con pintura de pizarra para poder usarla como panel informativo, e o resto  decorarase ó gusto dos participantes. Esta caseta porase na praza ou no patio da biblioteca durante o bo tempo.
  • Contacontos con obradoiro de encadernación.

 

Ademais, o Día do Libro é o 23 de abril, e tamén o celebraremos con actividades do 18 ó 22 de abril):

  • Regalo dunha rosa de papel elaborada nos talleres de origami da biblioteca.
  • “Cita a cegas”: ofrecerase un préstamo sorpresa cun libro envolto, con algunha pista sobre o seu contenido.