día da biblioteca-noite na biblioteca 2017 (resume)

Día 20 de outubro de 2017 das 10 da mañá ata a medianoite, na biblioteca de Escairón

O día 24 celébrase o Día da Biblioteca, e na biblioteca, debido ó éxito acadado en anteriores edicións (esta é a cuarta), decidimos adiantar a celebración ó venres e non pechar en todo o día. Así tivemos actividades de moi diverso contido, empezando con visitas escolares ó longo de toda a mañá e non rematando ata a medianoite.

Ás 10:00 chegou o primeiro dos grupos escolares (4º, 5º e 6º de Infantil do colexio de Escairón) e ás 11:15 chegou o grupo da Escola Infantil Municipal,  que viñeron coñecer a biblioteca e que se entretiveron e divertiron cos contos prohibidos Hola, cartero, Pezzettino ou Soy el más guapo.

Ás 12:00 chegaron os alumnos de 1º, 2º e 3º de Primaria e ás 12:45 os de 4º, 5º e 6º de Primaria, que despois de repasar o aprendido sobre O Saviñao na visita do ano pasado (fixemos exame e non se libraron tampouco os profes, que xa están avisados para a próxima), continuaron vendo como é que un libro pasa a formar parte do fondo da biblioteca e se pón a disposición do público: como lle poñemos o identificador de código de barras para facer o empréstito no novo Sistema de Xestión Bibliotecaria. Por grupos, identificamos e etiquetamos varios libros da sección xuvenil, que xa están colocados onde lles corresponde. Ademais aproveitamos para recordar que había máis actividades pola tarde.

De 14:00 a 17:00 reservamos tempo para as visitas guiadas á biblioteca.

Ás 17:00 a nosa primeira sesión “oficial” de Contos Prohibidos da tarde, na que cada quen mirou e remirou os títulos que temos dispoñibles.

Ás 18:30 (despois da merenda) coñecemos A superavoa de Antón da Organización Meu Rei (que colabora coa Fundación Meniños de Galicia)(a partir de 3 anos e público familiar), que rematamos cun obradoiro artístico. Un breve resumo é este:

Día da Biblioteca 2017b

Toda a tarde estivo chea de contos, moitos deles que foron prohibidos. No obradoiro d’A superavoa de Antón, creamos unha chea de personaxes en pedra entre a hora da merenda e a da cea!

Ás 19:30 a segunda sesión sesión “oficial” de Contos Prohibidos durante a que vimos novamente Hola, cartero, Orellas de bolboreta, e outros varios que representamos por grupos: Pezzettino (en italiano), Mi perrito quiere bailar ballet, ou Soy el más guapo.

Ás 20:30 Xogos por equipos e unha apetitosa cea para que a fame non acabara coas ganas de diversión.

Ás 22:00 vimos que As cousas pequenas contan (do repertorio do programa Ler conta moito). Con el soubemos que calquera obxecto nos pode servir para crear personaxes e inventar historias. Coas historias inventadas durante o obradoiro fixemos un precioso conto!

A partir das 23:00 relaxámonos con música e baile, e non faltou o karaoke!

Día da Biblioteca 2017c.jpg

As cousas pequenas contan leváronnos a inventar personaxes e historias, coas que se fixo un libriño que podedes atopar na biblioteca. Rematamos con baile e karaoke.

A medianoite despedímonos con poucas ganas de marchar para a casa.

Esperamos que o pasarades moi ben e que sigades con ganas de visitar a vosa biblio. Nós xa estamos pensando a ver como o celebramos o ano que vén.

Agradecemos de corazón a participación nas actividades e alegrámonos de que o pasarades tan ben que non quixerades marchar para a casa.

Podedes ver o que publicamos tamén no bog Ler conta moito sobre as actividades do Día da Biblioteca.

Iremos publicando máis fotos (visitas escolares, obradoiros, …)

Advertisements

día da biblioteca-noite na biblioteca

Dia de la Bibioteca Cartel_pqIgual que fixemos o ano pasado, imos celebrar o Día das Bibliotecas cunha Noite na Biblioteca.

PREGON 2017O Día da Biblioteca é o 24, pero adiantaremos a festa ó venres 20, e desde as 10 da mañá e ata a medianoite imos preparar a benvida ó gran día cunha ampla variedade de actividades e moita diversión:
visitas guiadas, obradoiros, actividades, xogos, encontros con autores, manualidades,  contos, libros,…

As actividades, en horario continuado de 10:00 a 0:00, son para público familiar, sen límites de idade, aínda que o ideal é a partir de 5 anos.

Recomendamos por motivos organizativos inscribirse previamente.

cartaz dia da biblioteca 2017NNBPrograma:

  • 10:00-14:00 Visitas guiadas con grupos escolares
  • 14:00-17:00 Microvisitas guiadas para calquera persoa que acuda á biblioteca
  • 17:00-18:00 Contos prohibidos 1 selección de contos prohibidos en Venecia (de 3 a 5 anos e público familiar)
  • 18:00-18:30 Merenda infantil
  • 18:30-19:30 A superavoa de Antón da Organización Meu Rei (que colabora coa Fundación Meniños de Galicia)(a partir de 3 anos e público familiar)
  • 19:30-20:30 Contos prohibidos 2 selección de contos prohibidos en Venecia (a partir de 5 anos)
  • 20:30-21:30 Obradoiro – Xogos de grupo
  • 21:30-22:00 Cea infantil
  • 22:00-23:30 As cousas pequenas contan (do programa Ler conta moito)
  • 23:30-00:00 Xogos – Despedida
  • 00:00 Despedida

Agardamos por vós. Podedes anotarvos no teléfono 982452324 ou no mostrador da biblioteca.

día da biblioteca 2017

O día 24 de outubro celébrase o Día da Biblioteca.

Dia de la Bibioteca Cartel_pq

Despois do éxito acadado nas edicións de 2014, 2015 e 2016, na biblioteca de Escairón celebraremos o Día da Biblioteca – Noite na Biblioteca.

20 de outubro: Día da Biblioteca – Noite na Biblioteca  das 10 da mañá á medianoite.

cartaz dia da biblioteca 2017NNB.png
21 de outubro: Cea Día das Bibliotecas do Colectivo LemosLe

Como este ano somos os anfitrións do Certame Mulleres de Lemos (que se adica, como sabedes, á que foi nosa veciña, Balbina López Somoza) a cea anual de celebración do Día das Bibliotecas terá lugar o sábado 21 no Saviñao. Teremos un roteiro cultural polo Escairón de Balbina pola tarde, que culminará na cea ó remate da cal se fará entrega dos premios ós galardoados nesta edición.

cartelcealemosle_2017_peq

 

19:30    Roteiro cultural polo Escairón de  Balbina López Somoza
con saída da Biblioteca Municipal
(duración aproximada 50 min.)

21:30    Cea do Colectivo LemosLe na Pousada Torre Vilariño (Fión)
Entrega de premios do IV Certame Mulleres de Lemos
ó remate da cea

As entradas para a cea recolleranse en calquera das bibliotecas que forman parte do Colectivo Lemos Le ata o día 18.

24 de outubro: Lectura do texto conmemorativo do Día da Biblioteca 2017

12:00    Lectura do texto Coma Mary Poppins, pero sen voar de Alejandro Palomas, Premio Nacional de Literatura Infantil y Juvenil 2016 da Asociación Española de Amigos del Libro Infantil y Juvenil

Poderedes atopar máis información sobre todas estas actividades na biblioteca e en vindeiros artigos do blog.

obradoiro de debuxo monstruoso

O venres 7 de xullo, debuxa en directo co autor dos Megatoxos.

cartaz_anxo_farina_pq

Podes aproveitar para coñecer as obras que temos na biblioteca. Así cando veña, poderás facerlle preguntas sobre os seus traballos. Están xa expostas na casiña dos ratos. Podes atopar desde contos infantís e novelas xuvenís ata guías de viaxes por Galicia e as ilustracións dun libro de teatro.

Ensinaranos trucos para debuxar e rematarremos coa contrución dun deseñador de monstros ou seres imaxinarios.

Vente divertir mentras aprendes!

Teremos 2 obradoiros o  venres 7 de xullo:

  • ás 12 da mañá na Biblioteca de Escairón
  • ás 5 da tarde na Biblioteca de Currelos

Deberás anotarte porque hai aforo limitado e para que teñamos materiais suficientes para todos. Podes facelo no teléfono da biblioteca: 982452324 durante as horas de apertura (10-14 h. e 16:30-20 h. e a partir do 3 de xullo de 8:30-14:30 h.).

deixa o móbil e debuxa…na biblioteca

Día 7 de abril de 2017 ás 17:00, na biblioteca de Escairón

Para celebrar o Día do Libro Infantil (2 de abril) e en vista dos 2 certames de debuxo que temos convocados (Debuxo infantil Letras Galegas 2017, e Certame Mulleres de Lemos en modalidade de Banda Deseñada sobre Balbina López Somoza) deixamos o móbil e puxémonos a debuxar con esta actividade do catálogo Ler conta moito:

Obradoiro de tiras cómicas e viñetas

deixa o móbil e debuxa

da man de Hermanager

o 7 de abril, ás 17:00 na sala infantil

Empezamos cunha práctica con personaxes que xa coñeciamos, para que nos fora un pouco máis fácil perder o medo a comezar a debuxar.

Calculamos as perspectivas e vemos que aínda que non saia “calcado” tamén queda ben. Ningún debuxo é coma outro e podemos facer moitos trazos a lápis para ver cal nos gusta máis e ese será o que repasemos a bolígrafo ou rotulador.

Vemos os diferentes tipos de viñetas, planos e os “bocadillos” que serven para falar, pensar, susurrar, mostrar medo, etc. Un montón de recursos que nos serven para expresar cousas sen necesidade de escribir.

día do libro infantil

Desde 1965 conmemórase cada día 2 de Abril o Día Internacional do Libro Infantil e Xuvenil, coincidindo coa data de nacemento de Hans Christian Andersen, autor entre outras moitas obras, dos coñecidísimos contos do Parruliño feo, A Sereíña, ou O soldadiño de chumbo.

Xa vos convidamos a participar no

o concurso “Andersen hoxe

e que non esquezades entregar os vosos debuxos na biblioteca ata o día 30 deste mes. Podedes descargar as Bases do concurso “Andersen hoxe” (e imprimir a última páxina) pulsando no texto anterior en negra.

Celebraremos esa data tamén o luns 3 coa lectura da mensaxe deste ano, escrita por Sergey Makhotin e traducida por Sabela González Panizo. O cartaz deste ano foi deseñado por Mikhail Fedorov.

dili_gl

Medremos co libro!

Cando era moi neno gustaba de construír casas con bloques e con xoguetes de todo tipo. No canto do tellado, decotío empregaba un libro infantil ilustrado. Nos meus soños, agatuñaba ao interior da casa, deitábame na cama feita cunha caixa de mistos e ollaba para as nubes ou o ceo estrelado. Dependía da ilustración que máis me gustase.

De maneira intuitiva, seguín a norma vital de cada neno, que procura crearse un medio cómodo e seguro; e un libro infantil de certo axudaba a conseguilo.

Logo medrei, aprendín a ler, e un libro na miña imaxinación comezou a parecer máis unha bolboreta, ou mesmo un paxaro, ca o tellado dunha casa. As páxinas do libro semellaban as ás e crepitaban. Parecía que o libro que xacía na repisa da ventá ía saír voando pola fiestra aberta cara a lugares descoñecidos. Collino e comecei a ler, e o libro comezou a acougar. Logo seguín o libro a outras terras e mundos, expandín así o espazo da miña imaxinación.

Que felicidade ter un libro novo nas mans! Ao principio non sabes de que vai. Resistes a tentación de abrir a última páxina. E que ben cheira! É imposible dividir o seu cheiro nos seus compoñentes: tinta de imprenta, cola… Non, non se pode. Un libro ten un cheiro particular, único e emocionante. As puntas dalgunhas páxinas péganse entre elas, coma se o libro aínda non estivese esperto. Esperta cando comezas a lelo.

Estás a medrar e o mundo ao teu redor está a facerse máis complicado. Estás enfrontándote a preguntas que ningún adulto está preparado para responder. Con todo, é tan importante que compartas as túas dúbidas e segredos con alguén! E velaquí que chega de novo un libro para te axudar. Moitos de nós nos temos sorprendido pensando “este libro vai sobre min!”. E, de súpeto, o personaxe favorito parécese a ti. Ten os mesmos problemas e enfróntase a eles con dignidade. E outro personaxe non se che parece en nada, pero queres que sexa o teu modelo a seguir, queres ser igual de valente ou ter o mesmo enxeño.

Cando un neno ou nena di “non me gusta ler!”, a min dáme a risa. Non lles creo. Seguro que comen xelados, xogan a xogos e ven películas interesantes. Noutras palabras: gústalles divertirse. E ler non é un traballo duro de cara a desenvolver os sentimentos e a personalidade, o que é, antes que nada, é un gran pracer.

E, para iso, especialmente, é para o que os autores escribimos libros infantís!

CARTEL_biblioteca_SAVIÑAO_abril2_pq.jpg

Ademais o venres 7 a partir das 5 cun obradoiro de viñetas e humor gráfico a cargo de Xosé Manuel de Hermanager Producións.

A actividade englóbase dentro do programa de animación á lectura “Ler conta moito”da Consellería de Cultura, Educación e Ordenación Universitaria en colaboración co Concello do Saviñao.

[Se queres saber que obras de  Hans Christian Andersen hai na biblioteca, pulsa no seu nome.]

Podes consultar todas as actividades que se organizan por esta data neste enlace da OEPLI (Organización Española para el Libro Infantil y Juvenil) http://www.oepli.org/pag/dia_inter/dia_llista.php

actividades entroideiras

Comezamos o mes fortes (contacontos, entrega de premios e obradorio), e continuamos con actividades luns, mércores e xoves:

  • luns 13 Obradoiro romántico de San Valentín de 18:00 a 19:00
  • mércores 15 Obradoiro de compadres de 18:00 a 19:30
  • xoves 16 Xoves de compadres xogos ás 18:00 e queima ás 19:15
  • luns 20 Obradoiro de disfraces de 18:00 a 19:00
  • mércores 22 Obradoiro de comadres de 18:00 a 19:30
  • xoves 23 Xoves de comadres xogos ás 18:00 e queima ás 19:15

Imprescindible anotarse para os obradoiros de entroido.

É fundamental anotarse para que poidamos ter material suficiente para a estrutura das figuras. Como faremos os compadres e as comadres con palla, quen queira participar deberá traer roupa para poder vestilos.

A inscrición pode facerse na biblioteca, ou nos teléfonos 982452324, ou 982452061 preguntando por Bea.

érase un sombreiro… con premios

Este venres o temporal non desanimou a participación no contacontos-entrega de premios-obradoiro que tivo lugar ás 5 da tarde na Biblioteca Municipal do Saviñao.
20170203_173855O contacontos non se interrompeu tampouco cando houbo un apagón. Grazas ás lanternas continuou coma se nada!

This slideshow requires JavaScript.

Despois do contacontos Érase un sombreiro…, recolleron os premios os galardoados do Certame de Poesía Infantil Nadal 2016 e rematamos a tarde cun obradoiro de elaboración de sombreiros no que se fixeron os sombreiros dos reinos que visitou Alicia no País das Marabillas.

Na sala infantil quedou disposta para remexer a nosa selección de libros relacionados cos sombreiros.

[Subiremos máis fotos nuns días]

contacontos con premios

O próximo venres 3 de febreiro inauguramos as sesións de contacontos deste 2017.

erase-un-sombreiro-_pq

E comezamos forte: contacontos con entrega de premios para os galardoados do Certame de Poesía Infantil Nadal 2016.

Será ás 17:00 na Sala Infantil da Biblioteca, en Escairón.

E ó remate, aínda máis: obradoiro de elaboración de sombreiros que nos pode vir moi ben para aprender a complementar o noso traxe de entroido.

Desta vez, vai de SOMBREIROS !

… porque… quen di que os sombrerios non contan nada? Así que con  Érase un sombreiro…veremos que pasa.

Por suposto, podedes remexer na nosa selección de fondos para a ocasión, e que poderedes atopar na sala infantil e xuvenil.

Agardámosvos!

día da biblioteca-noite na biblioteca 2016

cartel-2-baja_pq

O día 24 de outubro celébrase o Día da Biblioteca.

Despois do éxito acadado nas edicións de 2014 e 2015, na biblioteca de Escairón celebraremos o Día da Biblioteca – Noite na Biblioteca o venres día 21 das 10 da mañá ás 12 da noite.

Abrimos igual que calquera outro día ás 10 da mañá pero teremos actividades todo o día sen interrupción ata a medianoite: visitas guiadas, xogos, concurso, merenda, contacontos, experimentos, titiricleta, obradoiros variados,… Un feixe de actividades para todos os gustos.

Este ano, ademais, como novidade, ó longo do día iremos enchendo unha cápsula do tempo para abrir o próximo Día da Biblioteca que coincida a venres: o 24 de outubro de 2025! Se queredes deixar algo para o recordo, traédeo á biblioteca ese día e introducirémolo dentro para non  volvelo ver ata dentro de 9 anos. O recomendable é que sexa un obxecto non demasiado grande para que caiban varios dentro da cápsula.

cartaz-final3.PNG

Xa sabedes o que vos decimos sempre: convén que vos inscribades en todas as actividades nas que queredes participar para ter materiais suficientes. Para a actividade A ciencia é divertida e o Obradoiro Fibonacci faranse 2 grupos: un de 2 a 4 anos e outro a partir dos 5 anos. Os grupos serán rotatorios para que tod@s poidan participar neles. Por eso é imprescindible que vos inscribades con antelación.

Calquera dúbida, podedes consultala na biblioteca ou chamando por teléfono.

(A actividades e horarios están suxeitos aínda a modificacións organizativas)