obradoiro de flores

Este venres, aproveitando a visita da nosa antiga mestra de origami, teremos con ela un obradoiro de flores de tela de deseño xaponés.

Debido ás medidas de prevención da Covid, o aforo será moi reducido, polo que é imprescindible reservar praza na biblioteca, presencialmente ou por teléfono no 982452324.

Debido ó procedemento de elaboración a actividade diríxese a un público adulto.

as superheroínas do noso pobo, na biblioteca

O venres 2 de xullo comeza o ciclo de actividades do Programa Ler conta moito deste ano, cofinanciado entre o Concello do Saviñao e a Consellería de Cultura.

A actividade As superheroínas do noso pobo, desenvolverase na biblioteca o 2 de xullo ás 11 da mañá coa autora e ilustradora Estefanía Padullés, que conta con varios libros infantís publicados en distintas editoriais, moitos dos cales se poden atopar na biblioteca.

Aplicaranse as medidas Covid establecidas para actividades culturais, polo que o aforo é limitado, e será preciso reservar as entradas previamente na Biblioteca ou no teléfono 982452324.


O obradoiro de ilustración versará sobre mulleres esquecidas en diferentes campos, aprendendo a debuxalas nunha ilustración que as represente. Para rematar a actividade, cada participante fará un cartel dunha muller do seu entorno, para darlle visibilidade e convertela nunha “superheroína” que amose os seus “superpoderes”.

día da biblioteca-noite na biblioteca 2019

Xa temos o programa de actividades para celebrar o Día da Biblioteca-Noite na Biblioteca 2019!

DDB2019_cartaz Amigos del Libro.png

O Día da Biblioteca é o 24, pero adiantaremos a festa ó venres 18, e desde as 10 da mañá e ata a medianoite temos preparada unha ampla variedade de actividades e moita diversión: visitas guiadas, obradoiros, xogos, manualidades,  contos, libros, música,…

Por motivos organizativos hai que inscribirse previamente. Pode facerse presencialmente na biblioteca ou no teléfono 982452324.

DDB-NNB2019

Programa:

  • 10:00-14:00  Visitas guiadas con grupos escolares
  • 14:00-17:00  Minivisitas guiadas para calquera persoa que acuda á biblioteca
  • 17:00-18:00  Conta – obradoiro artístico con tapóns e palliñas(a partir de 5 anos)
  • 18:00-18:30  Merenda infantil
  • 18:30-19:30  Obradoiro – competición de buxainas (a partir de 6 anos)
  • 19:30-20:30  Xogo Rescate na Biblioteca con Antía Yáñez (programa Ler conta moito) (a partir de 6 anos e público adulto acompañante)
  • 20:30-21:30  Obradoiro de carteira/porta-retratos (a partir de 8 anos)
  • 21:30-22:00  Cea infantil
  • 22:00-22:50  Contacontos Bolboretas con Soledad Felloza (programa Ler conta moito)(público infantil, xuvenil e adulto)
  • 22:50-23:50  Obradoiro de debuxo con círculos (público a partir de 10 anos, xuvenil e adulto)
  • 23:50-00:00  Xogos/Karaoke – Festa de despedida

 

Lembrade: Recomendamos inscrivirvos en cada actividade na que queirades participar, e indicar as intolerancias e alerxias alimentarias.

día da biblioteca 2019

O día 24 de outubro celébrase o Día da Biblioteca desde 1997.

DiaBiblioteca2019_pq

Despois do éxito acadado nas edicións de 2014, 2015, 2016, 2017 e 2018, volveremos celebrar o Día da Biblioteca – Noite na Biblioteca o próximo día

18 de outubro

Día da Biblioteca – Noite na Biblioteca  das 10 da mañá á medianoite.

DDB-NNB_2019.png

Entre diversos obradoiros, merenda, música, etc. teremos o xogo de pistas Rescate na Biblioteca con Antía Yáñez e Bolboretas da narradora Sole Felloza. Nuns días daremos a coñecer a programación completa: ide reservando o día para non perder nada!

24 de outubro

Lectura do texto conmemorativo do Día da Biblioteca 2018

12:00    Lectura do texto O día da luz de Gonzalo Moure (Premio Cervantes Chico 2017) da Asociación Española de Amigos del Libro Infantil y Juvenil.

Poderedes atopar máis información sobre todas estas actividades na biblioteca e en vindeiros artigos do blog.

26 de outubro

Cea Día das Bibliotecas do Colectivo Lemos Le

A cea de celebración do Día das Bibliotecas terá lugar o sábado 26 na Reitoral de Castillón. Durante a cea farase entrega dos premios do VI Certame Mulleres de Lemos, que se adicou á abadesa de Eiré Inés Fernández)

cea día da biblioteca 2019_pq

19:00    Previamente á cea, farase unha visita guiada a San Miguel de Eiré.

21:30    Cea do Colectivo Lemos Le na Reitoral de Castillón (Pantón)
Entrega de premios do VI Certame Mulleres de Lemos
ó remate da cea. Durante a cea contaremos coa actuación musical de Eugenia Sanmartín.

As entradas para a cea recolleranse en calquera das bibliotecas municipais e escolares, IES Daviña Rey que forman parte do Colectivo Lemos Le ata o día 18.

 

rosalía, todos por igual

Rosalía, todos por igual con Tarabelos títeres e contacontos, na Biblioteca Pública Municipal do Saviñao o vindeiro venres 20 de setembro ás 18 h., continúa o ciclo A biblioteca en igualdade.

todos por igual_pq

Rosalía de Castro foi rompedora de barreiras nun tempo no que o xénero, o idioma, o lugar de nacemento, a clase social… daban lugar a escenas de desigualdade que Rosalía denuncia co seu arte. Imos facer arte. A través dun conto de Rosalía e a pintura, faremos a nosa obra de arte pola igualdade. Porque a igualdade é tratar a todos por igual.

Esta actividade (para público a partir de 5 anos) enmárcase no programa Ler conta moito de igualdade, financiado pola Consellería de Cultura e o Pacto de Estado contra a Violencia de Xénero.

=igual

=Igual con Dani Viéitez e Iria Iglesias, na Biblioteca Pública Municipal do Saviñao o vindeiro venres 6 de setembro ás 12 h., iniciando o ciclo A biblioteca en igualdade.

Dani Viéitez e Iria Iglesias, autores da serie do Raposo Rufo e de Amanita e Pilonga falarannos do seu traballo como ilustradores, das tarefas na casa, que reparten equitativamente.

cartel = (redes)_pq.png

Neste contacontos relacionado coa igualdade, explicarán conceptos coma a empatía, o respecto, o sexismo e o feminismo. Rematando cun obradoiro.

Esta actividade enmárcase no programa Ler conta moito, financiado pola Consellería de Cultura e o Concello do Saviñao.

Ven o venres 6 de setembro ás 12 h. a esta actividade para participantes a partir de 3 anos e público familiar.

resume…aprende a facer un podcast!

Día 5 de xullo de 2019 ás 12:00, na biblioteca de Escairón

Hoxe en día os podcasts están na picota. E na biblioteca preparámoste para estar á última: imos facer un podcast! Aprendemos a escribir e guionizar, a interpretar, a locutar e a editar un podcast!

E despois só hai que subilo á nube…

Aprende a facer un podcast!

da man de Damián Alonso de Solovoz

o 5 de xullo, ás 12:00 na sala infantil

tivemos este obradoiro totalmente práctico, no que en apenas 2 horas aprendemos a:

  • Escribir e guionizar o noso podcast!
  • Locutar e interpretar o noso podcast!
  • Gravar e editar o noso podcast con Audacity!

O primeiro foi descobrir que é un podcast e como naceron.Despois vimos a importancia de vocalizar, a necesidade dunha correcta respiración e como proxectar ben a voz.

Logo de facer varias prácticas de narración de diferentes tipos de textos, pasamos á parte práctica máis divertida: gravarnos e editar o noso podcast!

Sorprendente como pode cambiar o que dixemos e como o dixemos unha vez editado:

podemos parecer máis xoves, falar máis rápido, facer coma se estiveramos nunha cova,… os efectos que lle podemos poñer á nosa voz son alucinantes. En canto poidamos, subiremos o resultado do noso obradoiro.

Este é o resultado do noso obradoiro:

audio 1, coas voces de Alba e Lucía:
Ir a descargar

audio 2 coas voces de Sandra e Mónica:
Ir a descargar

audio 3 coas voces de Nico e Ignacio:
Ir a descargar

O noso alucinante profe, Damián Alonso, conta con experiencia como actor de dobraxe (en documentais como Amish Mafia ou American Chopper, ou na serie Turbo Fast, dándolle voz a Tito, o vendedor de tacos), actor de teatro e formador. Guionista e creador de “cachosdesqueches” e voz de Click Clack en Dinotrux entre outras. Máis de 150 obradoiros e cursos impartidos por toda Galicia no que o punto de encontro é a voz. Obradoiros de radio, podcast, falar en público, comunicación e lectura interpretadada e teatro.

aprende a facer un podcast!

Hoxe en día os podcasts están na picota.

Ven e achégate, imos facer un podcast! Queres aprender a facer un podcast? Aquí aprenderás a escribir e guionizar, a interpretar, a locutar e a editar un podcast!

E despois só hai que subilo á nube…

Cartaz Obradoiro Podcast!_ed_pq.png

Aprende a facer un podcast! na Biblioteca Pública Municipal do Saviñao o vindeiro venres 5 de xullo ás 12 h., neste obradoiro do programa Ler conta moito, financiado pola Consellería de Cultura e o Concello do Saviñao.

Neste Obradoiro totalmente práctico en tan só 120 min. Aprenderás a:

  • Escribir e guionizar  o teu  podcast!
  • Locutar e interpretar o teu podcast!
  • Gravar e editar o teu  podcast con Audacity!

Esta actividade está recomendada a partir de 10 anos.

entrega de premios Letras Galegas 2019

A entrega de premios do Certame de narración e debuxo Letras Galegas 2019 terá lugar coa presentación do libro A manchas ou a raias? e con obradoiro a cargo da autora Estefanía Padullés.

entrega premios letras 19_pq.jpgEsta actividade desenvolverase o vindeiro venres 7 de xuño ás 17:00 h na sala infantil da biblioteca.

Agardamos por vós!

comadres 2019

Tivemos problemas técnicos co artigo do entroido, polo que vos lembramos que
este martes teremos o obradoiro de comadres ás 6 da tarde!

entroido19-1

*Obradoiro de Comadres:

  • martes 26 de febreiro desde as 6 da tarde, na Biblioteca de Escairón, elaboración de comadres que sairán á rúa o xoves 28.
  • xoves 28 de febreiro xogos populares  queima das comadres, a partir das 5 na carpa.

Faremos as comadres con palla, polo que tedes que acordarvos de traer roupa para poder vestilas. Podedes tamén traer paus para reforzar a súa estrutura.