entroido 2019

Xuntamos o programa de actividades deste entroido:

Na biblioteca teremos 2 actividades:

*Obradoiro de Compadres:

• martes 19 de febreiro desde as 6 da tarde, na Biblioteca de Escairón, elaboración de compadres que sairán á rúa o xoves 21.
• xoves 21 de febreiro xogos populares e queima dos compadres, a partir das 5 na carpa.

*Obradoiro de Comadres:

• martes 26 de febreiro desde as 6 da tarde, na Biblioteca de Escairón, elaboración de comadres que sairán á rúa o xoves 28.
• xoves 28 de febreiro xogos populares  queima das comadres, a partir das 5 na carpa.

Faremos os compadres e as comadres con palla, polo que tedes que acordarvos de traer roupa para poder vestilos. Podedes tamén traer paus para reforzar a súa estrutura.

festas de nadal

Aquí vedes as actividades deste Nadal organizadas polo concello:

O pase de diapositivas require JavaScript.

Lembrade que nos obradoiros é obrigatorio inscribirse 5 días antes como mínimo!

A biblioteca pechará os seguintes días:

• 21 de decembro pola mañá
• 24 e 25 de decembro
• 31 de decembro
• 1 de xaneiro

Como o prazo para entregar os traballos do Certame de Poesía Infantil “Nadal 2018” remata o 21, prorrogámolo ata o mércores 26.

rescate na biblioteca

O vindeiro 14 de decembro teremos a actividade de misterio:

Rescate na Biblioteca
14 de decembro ás 5 da tarde

Actividade recomendada a partir de 6 anos.

Anímate a facer de detective!

Carmiña e Xustino, uns bibliotecarios un tanto peculiares, decidiron secuestrar a un par de crianzas para encher a súa biblioteca, coma nos vellos tempos, e fóiselles un pouco das mans. Meteron a unha manchea de rapaces e rapazas en diferentes libros e agora non os atopan!

selección de libros de autoras de terror

Preparando a sesión literaria do vindeiro venres, elaboramos unha selección de libros na que incluímos os títulos que temos das autoras de terror que nos recomenda Andrea Barreira Freije para o obradoiro. Aviso a navegantes: non todos os títulos son de terror terrorífico, algúns lévannos a pensar simplemente que moitas veces somos nós os que nos deixamos asustar por cousas que non dan medo.

Podedes consultar a nosa selección neste enlace.

Terroríficas. Obradoiro de literatura e escritura de terror
2 de novembro de 5 a 7 da tarde

Coa escritora Andrea Barreira Freije, falaremos de distintas autoras do xénero de terror: Mary Shelley, Shirley Jackson, Pilar Pedraza, María Canosa, Uxía Casal entre outras, construíndo o noso propio relato.

Unha actividade pensada para adultos, mocidade e participantes a partir de 11 anos.

Recomendámosvos que vos inscribades na biblioteca, presencialmente ou no teléfono 982452324.

terroríficas na biblioteca

Rematamos as celebracións do Samaín, cun obradoiro terrorífico o mesmo Día de Defuntos:

Terroríficas. Obradoiro de literatura e escritura de terror

2 de novembro de 5 a 7 da tarde

Terroríficas
Obradoiro de literatura e escritura de terror,
da man de Andrea Barreira Freije

Combinando a lectura e a escritura de relatos de terror, viaxaremos a través de distintas autoras (Mary Shelley, Shirley Jackson, Pilar Pedraza, María Canosa, Uxía Casal entre outras) pola literatura de terror construíndo o noso propio relato.

Todo isto da man da escritora Andrea Barreira Freije.

Unha actividade pensada para participantes a partir de 11 anos: desde os 11 anos á inmortalidade.

Recoméndase inscribirse na biblioteca, presencialmente ou no teléfono 982452324.

autores con pegada

Chega agosto e chegan as festas. E na biblioteca imos deixar pegada! Farémolo xusto antes das festas patronais coa sesión de contos do venres 3 de agosto ás 12 da mañá, na que como tén prazas limitadas, convén que vos inscrivades canto antes.

Obradoiro creativo
Autores con pegada,
da man de ‘Menos dá unha pedra‘

Esta actividade está recomedada de 4 a 7 anos e público familiar acompañante, cun máximo de 12 participantes (farase unha lista de espera, e no caso de que ás 11:45 falte algunha das persoas inscritas, avisarase por teléfono á seguinte da lista de espera).

Crearemos as personaxes da nosa historia, e ilustrarémola.

Cando rematemos, organizaremos unha exposición para mostrar ó mundo as nosas fantásticas creacións!

Inscricións: na biblioteca ou a través do teléfono 982452324.

A actividade englobada no programa “Ler conta moito” da Consellería de Cultura, Educación e Ordenación Universitaria conta coa colaboración do Concello do Saviñao.

grandes historias en formato pequeno

A sesión de contos do vindeiro venres ás 12 da mañá conta con só 20 prazas. Podedes inscrivirvos ata o xoves ás 12 h.

Obradoiro de minicontos,
grandes historias en formato pequeno,
da man de ‘O faiado de Nin‘

Esta actividade está recomedada a partir de 6 anos e público familiar acompañante.
Máximo 20 participantes (farase unha lista de espera, e no caso de que ás 11:45 falte algunha das persoas inscritas, avisarase por teléfono á seguinte da lista de espera).

Inscricións: na biblioteca ou a través do teléfono 982452324.

A actividade englobada no programa “Ler conta moito” da Consellería de Cultura, Educación e Ordenación Universitaria conta coa colaboración do Concello do Saviñao.

actividades de verán 2018

Está aberto o prazo de inscrición para as actividades culturais e deportivas deste verán, tanto  para nenos coma para adultos. O prazo de inscrición remata o 26 de Xuño.

[pulsar para ver en grande]

Podedes atopar os formularios de inscrición na biblioteca e no concello. Máis información no Facebook do Concello do Saviñao.

Das actividades na biblioteca iremos informando puntualmente aquí, no blog. De momento, que saibades que teremos contacontos e obradoiros (todos con prazas limitadas) os primeiros venres de mes ás 12 da mañá:

• 6 xullo Obradoiro de minicontos, grandes historias en formato pequeno
  recomedado a partir de 6 anos e público familiar
  Máximo 20 participantes
• 3 agosto Obradoiro Autores con pegada
  recomedado de 4 a 7 anos (se quedan prazas, ata 10 anos)
  Máximo 15 participantes
• 7 setembro Contacontos Historias sorprendentes para nenas e nenos diferentes
  recomedado de 4 a 11 anos
  Máximo 30 participantes

Non te despistes, e anótate para os contacontos e obradoiros da biblioteca.

contacontos das letras galegas

Abriremos a semana das Letras Galegas cos amigos Mau e Pin de Polo Correo do Vento, que nos visitarán o vindeiro luns día 14 ás 18:30.

Traeránnos desta volta contos, debuxos e anécdotas da vida e da obra de María Victoria Moreno, que foi mestra igual que Genoveva González Prieto á que adicamos o Certame Mulleres de Lemos deste ano.

Convidámosvos a que ás 18:30 vos acheguedes á Sala Infantil e Xuvenil da biblioteca dispostos a divertirvos.

Podedes ver algúns dos debuxos que fixemos con eles na súa última visita, expostos na Sala Infantil e Xuvenil, e tamén atoparedes os seus libros dispoñibles na biblioteca neste enlace e na Casa dos Ratos.

entrega de premios nadal 2017

O vindeiro mércores día 7 de febreiro ás 5 da tarde, faremos entrega dos premios do Certame de Poesía Infantil Nadal 2017 na Sala infantil:

Inmediatamente despois, na Aula, comezaremos co Obradoiro de Comadres para elaborar as comadres que sairán á rúa o xoves 8.

Lembrade traer roupa para poder vestilos. Podedes tamén traer paus para reforzar a súa estrutura.

Edición:

Os gañadores da fase provincial pubícanse neste enlace.