Este luns, viñeron de visita polo Saviñao escolares dos colexios da Pobra do Brollón e de Sober. Na súa parada en Escairón, preguntaron se podían visitar a biblioteca, e como aquí recibimos a todas as visitas cos brazos abertos, convidámolos a pasarse polas nosas instalacións
Dado o escaso tempo que durou o percorrido, só fixemos a visita á sala de informática na que resumimos brevemente o motivo da súa visita: A Ribeira Sacra, o seu significado e os elementos máis definitorios deste territorio:
- as xentes e a viticultura heroica,
- arte románica e cultura,
- paisaxe, flora e fauna
- o río (no noso caso, o Miño)
Rematado o percorrido virtual polo territorio, visitamos a vila: desde o balcón da biblioteca vimos a casa de Balbina López Somoza e, desde a praza, o edificio no que se ubicou a súa farmacia.
Non houbo tempo para máis, así que quedaron convidados a volver outro día para coñecer máis cousas.
